Rabiye xanim frankfort xelq'ara kitab yermenkisige qatnishidu

Rabiye qadir xanimning yermenkige qatnishishi uning hayati asas téma qilin'ghan "ejdarha bilen élishquchi" namliq bi'ografiyisining yermenkige qoyulidighanliqi bilen munasiwetlik.

Gérmaniye metbu'atlirining xewer qilishiche, bu qétimqi kitab yermenkiside xitayning neshriyat erkinliki, tibet, Uyghur we falun'gong mesilisige qandaq mu'amile qilish mesilisi kishiler diqqet qilidighan qiziq nuqtilarning biri bolup qélishi mumkin.

Yéqinda xitaylar bilen frankfort kitab yermenkisini uyushturghuchi organni öz ichige alghan 6 teshkilat birliship, xitayning tereqqiyat ehwalini téma qilghan bir muhakime yighini uyushturghan idi.

Muhakime yighinigha chet'eldiki xitay öktichi sha'ir we yazghuchiliridin bey ling we dey chinglar teklip qilin'ghan, lékin bu ikki ziyaliy yighinda xitay ömikidikilerning chetke qéqishigha uchrighan idi.

Bu weqe gérmaniye jem'iyitining diqqitini qozghap, Uyghur, tibet, falun'gong we neshriyat erkinlikige qandaq mu'amile qilish mesilisi bu qétimqi kitab yermenkisidiki qiziq nuqtilarning birige aylan'ghan.

Öktebirning otturiliridiki frankfordiki kitab yermenkisige qatnishish rabiye qadir xanimning mushu waqit ichide yawropadiki bezi döletlerde élip baridighan qisqa muddetlik ziyaritining bir qisimidur.