Рабийә қадир ханим голландийидә өткүзилидиған хәлқара кино фестивалиға қатнишиш үчүн йолға чиқти

Уйғур миллий һәрикитиниң рәһбири рабийә қадир ханим голландийидә өткүзилидиған хәлқаралиқ кино фестивалиға қатнишиш үчүн, бүгүн йәни 3 - айниң 23 - күни вашингтондин йолға чиқти.

2010.03.23

Америка уйғур бирләшмисиниң билдүрүшичә, рабийә қадир ханимниң бу қетимқи зиярити 10 күн давам қилиду. Бу җәрянда у мәзкур фестивалға қатнашқандин башқа голландийидики бир түркүм һүкүмәт хадимлири вә җамаәт әрбаблири билән көрүшиду. У йәнә голландийидики муһим ахбарат вә мәтбуат орунлирини зиярәт қилиду.

Голландийидә мушу айниң 25 - күнидин 31 - күнигә қәдәр өткүзилидиған мәзкур фестивалға, җәмийәттики муһим мәсилиләрни тима қилған вә җәмийәткә тәсир көрситиш көчи чоң болған филимлар қатнаштурилидиған болуп, " әһмийәтлик филимлар" намидики бу хәлқаралиқ кино фестивалиға ; рабийә ханим һәққидә ишләнгән " муһәббәтниң 10 шәрти " намлиқ филимму талланған. Шуңа рабийә ханим фестивалниң шәрәп меһмини сүпитидә тәклип қилинған. Рабийә ханим фестивалниң ечилиш мурасимида сөз қилиши вә фестивал давамида мухбирларниң уйғур вәзийити һәққидики соаллириға җаваб бериши мумкин.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.