Teywendiki ammiwi guruhlar teywen da'irilirini rabiye qadir xanimgha wiza bérishke ündidi

Uyghur rehbiri rabiye qadir xanimning dékabir éyidiki teywenni ziyaret qilish pilanini qollaydighan teywenlik guruhlar teywen hökümitini wiza bérishke chaqirip, rabiye xanimgha wiza bermeslikning sewebi yoqliqini bildürgen.
Muxbirimiz erkin
2009.09.24

Teywendiki eng chong öktichi partiye démokratiye tereqqiyat partiyisining bayanatchisi chén wénchang, "rabiye xanimning xitay qara tizimlikide ikenliki u teywen'ge kelmesliki kérek, dégenlik emes. Biz uning teywenni ziyaret qilmasliqida birer seweb bar, dep qarimaymiz," dégen.

Rabiye qadir xanim charshenbe küni washin'gtondiki ishxanisida teywenlik sen'etchi frediy linni kütüwélip, teywendiki ammiwi guruhlarning teywen ziyaret qilish teklipini qobul qilghan we 12 - ayda teywenni ziyaret qilish arzusini ipadiligen idi. Rabiye xanimning teywenni ziyaret qilish pilani teywende ghulghula peyda qilghan.

Teywen ichki kabinétining bayanatchisi su jiping, eger rabiye xanim wizigha iltimas qilsa, munasiwetlik organlarning wiza iltimasini körüp chiqidighanliqini bildürgen. Teywen tashqi ishlar ministirliki axbarat - medeniyet idarisining mu'awin mes'uli jang jiping peyshenbe küni élan qilghan bu heqtiki bayanatida hazirgha qeder wiza iltimasigha da'ir héchqandaq uchur tapshuruwalmighanliqi, shunga buninggha baha bermeydighanliqini tekitligen.

Rabiye qadir xanimning eskertishiche, u téxi teyéwenning washin'gtondiki diplomatik da'irilirigha wiza iltimasida bolup baqmighan. Analizchilar, eger rabiye xanim wiza iltimasida bolsa teywen hökümiti xitayning wiza bérishni ret qilish heqqidiki éghir bésimigha duch kélishi mumkin, dep qarashmaqta.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.