Rabiye xanim ürümchi namayishigha qatnashqan 10 ming Uyghurning ehwalini xelq'araliq tekshürüshni telep qildi

Rabiye xanim bügün tokyodiki muxbirlar kulubida ötküzülgen chong yighilishta 7 - ayning 5 - küni ürümchidiki namayishqa qatnashqan 10 ming Uyghurning hazirqi ehwalini xelq'araliq tekshürüsh arqiliq éniqlashni telep qildi.
Muxbirimiz weli
2009-07-29
Share

Birleshme agéntliqi, roytrs agénétliqi, merkizi agéntliq qatarliq uchur wastilrining bügün )yigirme toqquzinchi iyol küni( tokyodin xewer qilishiche, rabiye xanim bügünki nutqida, xitay hökümiti özi ürümchi weqeside 197 adem öldi, 1700 adem yarilandi, dep élan qildi. Emma shuningdin buyan Uyghur aptonom rayonida intérnétni taqap we xelqning téléfon alaqilirini üzüp tashlap, namayishqa qatnashqan Uyghurlarni qoghlap tutuwatidu, hazirgha qeder Uyghurlardin köp adem iz - déreksiz yoqaldi. Xelq'ara jem'iyet eyni waqitta namayishqa qatnashqan 10 ming Uyghurning hazirqi ehwalini tekshürüshi kérek, dep tekitlidi.

Shundaqla yene , rabiye xanim nutqida, xitay kommunist partiyisi 60 yildin buyan Uyghur xelqini öz yurtida xatirjem yashighuzmidi, adettiki Uyghur a'ililiridin xitayning qattiq zerbe bérishige uchrimighanliri yoq؛ xitay hökümiti 11 - séntebir weqesidin kéyin yene, Uyghurlani 'térrorchi' dégen nam bilen basturup keldi, bu jeryanda 15 mingdek Uyghurni qolgha aldi. Üch yildin buyan yene, yéshi 14 yashtin 25 yashqiche bolghan toy qilmighan Uyghur qizliridin 300 mingni xitay yurtlirigha yötkep kétip qul qiliwatidu. Xitayning mushu 21 - esrde yolgha qoyuwatqan bundaq qulluq tüzümini tesewwur qilish kérek, dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet