Rabiye xanim xitay bilen di'alog ötküzüshke teyyar ikenlikini bildürdi

1 - Séntebir küni bélgiye paytexti béryusélda ziyaritini bashlighan Uyghur milliy herikiti rehbiri rabiye qadir xanim, yawropa parlaménti kishilik hoquq komitéti parlaménti bilen körüshüp xitay hökümitining Uyghurlargha yürgüzgen siyasitini teniqd qilghan shundaqla xitay da'iriliri bilen biwaste söhbet ötküzüshni xalaydighanliqini bildürgen.
Muxbirimiz gülchéhre
2009.09.01

Bu heqte toxtalghan rabiye qadir xanim " men xitay hökümiti bilen di'alog ötküzüshke teyyar, xitay hökümitining biz bilen olturup yüz turane di'alog élip baridighan waqti keldi,biz xitay hökümitining 6 - yildin buyan yürgüzüwatqan milliy siyasitidiki meghülubiyitini körsitip béreleymiz hemde siyasiy islahat élip bérish jehette pikirlisheleymiz," dégen.

Rabiye xanim yawropa parlaménti kishilik hoquq komitétida qilghan nutqida :"xitay hökümiti qattiq basturush we zorawanliqi bilen sherqy türkistandiki mesilini hel qilalmaydu " dep tekitligen we yawropa parlaméntning xitay hökümitige milliy aptonomiye qanunigha hörmet qilishqa, Uyghur rehberliri bilen söhbet ötküzüshke bésim ishlitishqa chaqirghan.

Rabiye qadir xanim yawropa parlaménti kishilik hoquq komitétining teklipige bina'en béryusélgha ziyaretke barghan idi. Uning béryuséldiki ziyariti 5 - sintebirgiche dawam qilidu. Bu jeryanda u yawrupa parlaméntidiki munasiwetlik kishiler hemde bir qisim kishilik hoquq teshkilat rehberliri bilenmu uchrishish élip barghandin bashqa, yawrupa parlaméntida mexsus doklat béridu hem muxbirlarni kütüwélish yighini ötküzidu.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.