Xitay da'iriliri ashpuzulni bir kün taqighanlarning bir yilliq tijaritini toxtitidighanliqini bildürdi

Xotendin radi'omizgha inkas qilghan bir Uyghurning bildürüshiche, da'iriler ulargha ramzan mezgilide ashpuzul-réstoranlarni taqashqa ruxset qilmaydighanliqini uqturup, ramzan mezgilide ashpuzulni bir kün taqisa, shu kishining bir yilliq tijaritini toxtitidighanliqini agahlandurghan.
Muxbirimiz méhriban
2012-07-24
Share

Da'iriler bu yil roza tutmasliq heqqidiki teshwiqat hem cheklimilirini yillardikidin kücheytken bolup, yéqinda radi'omiz ziyaritini qobul qilghan Uyghurlar jenubiy Uyghur élidiki bir qisim nahiyilerde partiye ezasi, hökümet xizmetchiliri hem oqutquchi-oqughuchilarning roza tutmasliq heqqidiki kélishimge imza qoyghanliqi hemde xoten qatarliq jaylarda kishilerni roza tutushqa dewet qilmasliq, balilarning ramzan qoshiqi éytmasliqi telep qilin'ghanliqini bildürgen idi.

Chet'ellerdiki Uyghur teshkilatliridin dunya Uyghur qurultiyi bayanatchisi dilshat rishit radi'omizgha bergen bayanatida, xitay da'irilirining Uyghurlargha qaratqan basturushida diniy étiqad cheklimisini barghanche kücheytiwatqanliqini eyiblep, bu ehwalgha xelq'ara jem'iyetning jiddiy inkas qayturushi kéreklikini tekitlidi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet