Бирләшмә агентлиқи хәвиридә, рамизан ейиниң уйғур елидики сияси бесим әң күчәйтилгән вақит икәнлики оттуриға қоюлған

Бирләшмә агентлиқида рамизан мәзгилидики уйғур ели әһвали һәққидики берилгән бир парчә хәвәрдә, рамизан ейиниң уйғур елидики сияси бесим әң күчәйтилгән вақит икәнлики оттуриға қоюлған.
Мухбиримиз җүмә
2008-09-29
Share

Радиомизму бу һәқтә тәпсили хәвәрләрни игиләп хәвәр қилған иди. Әмма бирләшмә агентлиқида берилгән бу хәвәрдә алаһидә тилға елишқа тегишлик йери болса, уйғур елидә яшайдиған хитайларниң уйғурлар һәққидә ейтқанлири вә уйғур яшлириниң хитай һазир уйғур елидә йүргүзүватқан сиясәт һәққидики көз қарашлиридур.

Хәвәрдин мәлум болушичә аптор мәзкур тәпсили хәвәрни йезиш үчүн җәнубий уйғур елиниң кучар, қәшқәр, йәкән қатарлиқ вилайәт наһийилирини зиярәт қилған вә йәрликләр билән муңдашқан.

Кучадики бир хитай шопур мухбири билән муңдишиш җәрянида: "йипәк йолидики бу гүзәл шәһәрни тағлар вә чөлләр орап туриду. Әмма бу шәһәрдә уйғурлар бәк көп болуп, мана бу, бу йәрдики бирдин - бир мәсилә," дегән һәмдә уйғурларни " қалақ вә тәрбийә көрмигән," дәп сүрәтлигән.

Һалбуки, хитайлар һәққидә тохталған йәркәнлик содигәр мәмәттурсун болса, өзиниң хитайларни пәс көридиғанлиқини билдүргән вә: "улар һазир маркисизм яки коммунизмға ишәнмәйду. Улар пәқәт пулғила чоқуниду. Пул уларниң худаси" дегән. Қәшқәрлик уйғур содигәр хитайниң йол вә көврүкләрни пәқәт уйғур елигә көпләп хитай йөткәш үчүнла ясаватқанлиқини, әмма һөкүмәтниң нәдә бесим көп болса шу йәрдә мәсилиниң көп болидиғанлиқини унтуп қалмаслиқи керәкликини билдүргән.

Хәвәрдә көрситилишичә, аптор мәйли қәйәргә бармисун көпинчә һалларда хитай бихәтәрлик тармақлири хадимлири униңға әгишивалған.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт