Әркинлик сарийи хитай һөкүмитиниң рамизан мәзгилидә уйғур мусулманлириниң “қорсиқини тойдурмақчи” болуватқанлиқини қаттиқ тәнқидлиди

Йеқиндин буян ашкариланған учурлардин, уйғур районлуқ һөкүмитиниң рамизан киргәндин буян уйғурларға қаратқан тәқиб вә бесимни ашуруп, дөләт кадирлири, оқутқучи-оқуғучиларни роза тутуштин чәклигәнлики, һәтта бир қисим орунларда хитай рәһбәрләрниң уйғур кадирларни йемәкликләр билән йоқлиғанлиқи, бәзи орунларда йемәклик тарқитиватқанлиқи ашкариланған иди. Әркинлик сарийи мақалисидә юқиридики әһвалларни нәқил кәлтүрүп “уйғурларниң роза мәзгилидә тамақ йәватқанлиқи яки йемәйватқанлиқи хитай даирилирини шунчилик қаттиқ әндишигә салдики, уларниң ой-пикри шуниңда қалди” дәп тәсвирлигән.

Әркинлик сарийи мақалисидә әскәртип: “бу йәрдә илгирики сиясәтләрдин наһайити ениқ бир пәрқ мәвҗут. Мав зидуң мәзгилидә дөләтниң дүшмәнлири ач қалатти. Лекин бүгүн, бейҗиң һөкүмити өз дүшмәнлириниң ‛қорсиқиниң тоқлуқиға‚ капаләтлик қилишқа қәтий нийәт бағлиди” дегән.

Әркинлик сарийи мақалисидә йәнә, дуня җамаәтчиликини уйғурларға йетәрлик көңүл бөлмәслик биләнму әйиблиди.

Хитай даирилириниң уйғурларға қаратқан рамизан мәзгилидики бесими хәлқарада күчлүк инкас қозғиди. Һәрқайси ахбарат васитилиридә бу һәқтики хәвәрләр көпләп орун алмақта.