Roza héyttiki bayraq chiqirish murasimi naraziliq qozghidi

Uyghurbiz torining xelq'ara tor békitidiki xewerdin melum bolushiche, bu yil roza héytning 1-küni etigen héyt namizi waqtida, kucha nahiyisidiki mekteplerde bayraq chiqirish murasimi ötküzülgen.
Muxbirimiz méhriban
2012-08-21
Share

Kuchadiki bir oqutquchining bildürüshiche, 19-awghust etigen ularning mektipide barliq oqutquchi-oqughuchilar mektepke yighilip, bayraq chiqirish murasimigha qatnashqan, andin oqughuchilar siniplargha yighilip taki roza héytliq namaz tügigiche siyasiy öginishke orunlashturulghan. Bashqa uchurlardin melum bolushiche, aqsuning toqsu nahiyisidiki melum meschitte bu yil roza héytliq namaz oqulushtin ilgiri, awwal bayraq chiqirish murasimi ötküzülüp, andin héytliq namaz oqulghan.

Uyghurbiz tori muxbirining ziyaritini qobul qilghan Uyghurlar “Yerlik emeldarlar yéngi-yéngi usullarni tépip chiqip puqralarni qiynimaqta. Hökümet da'irilirining bu qilmishining özila milliy ziddiyetni téximu ulghaytiwétidu!”dégendek sözler arqiliq öz naraziliqini ipadiligen.

Xitay da'irilirining Uyghur qatarliq milletlerning diniy étiqadigha qaratqan türlük cheklimiliri xelq'arada üzlüksiz tenqidke uchrap kelmekte. Téxi yéqinda da'irilerning ramzan mezgilide Uyghurlargha qaratqan diniy cheklimiliri xelq'ara kishilik hoquq teshkilatliri hem gherb döletlirining eyiblishige uchrighan idi. Dunya Uyghur qurultiyimu bayanat élan qilip, da'irilerning Uyghurlargha qaratqan ziyade bésimliri Uyghurlarning naraziliqini kücheytip, rayonda téximu zor qarshiliq heriketlirining yüz bérishige seweb bolushi mumkinlikini agahlandurghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet