Uyghur aptonom rayoni roza héytliq qoshumche belgilimilerni élan qildi

Xitay metbu'atlirida xewer qilinishiche, xitay jama'et xewpsizliki ministirliki élan qilghan öktebir bayrimi jeryandiki bixeterlik uqturushining rohigha asasen, Uyghur aptonom rayoni roza héytliq alaqidar qoshumche belgilimilerni élan qilghan.
Muxbirimiz jüme
2008-09-29
Share

Shinjang gézitide körsitilishiche, bu nöwetlik uqturushta, héyt jeryanida bixeter ishlep chiqirishni kücheytish, nazaret qilip bashqurush salmiqini ashurush, we barliq bixeterlik tedbirlirini toluq emeliyleshtürüsh qatarliqlar otturigha qoyulghan.

Xewerde körsitilishiche yene, héyt - bayram jeryanida bixeterlik we qoghdash xizmetlirini kücheytish, mesile körünse derhal yuqirigha melum qilish qatarliqlar belgilen'gen.

Ramizan mezgilide xitay yerlik hökümiti Uyghur élide herxil cheklesh belgilimilirini yolgha qoyghan bolup, bu belgilimilerde, ramizan mezgilide "xetme", "terewi" qatarliq diniy pa'aliyetlerge qaritilghan chekleshni kücheytish, saqal qoyghanlar saqilini chüshürüsh hemde romal salghanlarning romilini alduruwétish qatarliqlar körsitilgen idi, emma xitay hökümet tarmaqliri xitay yerlik hökümitining bu nöwetlik rozi héyt mezgilide yene qaysi shekildiki emeliy cheklesh tedbirlerni alidighanliqini tepsiliy tonushturmighan.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet