Русийә президенти медведейф америка - русийә мунасивәтлири һәққидә йеңи сегнал бәрди

Русийә федиратсийиси президенти димитри медведийиф керимни сарийи тор бетидә елан қилған сөзидә , өзлириниң америка билән болған мунасивитини яхшилашни арзу қилидиғанлиқини ипадә қилди. У сөзидә обама һөкүмитиниңму икки тәрәп мунасивитини яхшилашни халайдиғанлиқини , русийиниңму иҗабий қәдәм елишқа тәйяр икәнликини ипадә қилип, америка билән техиму ишәнчлик вә техиму зор тәсир күчигә игә болған мунасивәт орнитишни халайдиғанлиқини билдүрди.
Мухбиримиз ирадә
2009-07-02
Share

Алдимиздики дүшәнбә күни америка президенти обама русийигә зиярәткә баридиған болуп, униң зиярити кишиләрниң диққитини тартмақта. Чүнки америка - русийә мунасивәтлири соғуқ уруштин кейин изчил һалда йирик болуп кәлгән иди. Америка һөкүмити русийә билән болған мунасивәтлирини баштин башлашни халайдиғанлиқини ипадә қилип келиватқан болсиму, әмма буниңда көрүнәрлик бир нәтиҗә чиқмиған иди. Шуңа президент обаманиң бу қетимлиқ русийә зияритидин тәрәпләр зор үмид күтмәктә.

Америка авазиниң хәвиригә қариғанда, гәрчә икки дөләт мунасивәтни яхшилашни арзу қилсиму , әмма буниңда һәл қилишқа тегишлик мәсилиләр көп болуп , буниң бешида америкиниң шәрқий яврупаға башқурулидиған бомбидин мудапиәлиниш сестимиси қуруш пилани туриду. Чүнки русийә изчил һалда америкиниң бу пиланиға наразилиқ билдүрүп, буни өзлиригә бир тәһдит дәп қарап кәлгән.

Улар америкиниң өзлирини бу җәһәттә хатирҗәм қилғандила, русийиниңму иситратегийилик һуҗум характерлик ядро қоралларни қисқартидиғанлиқини оттуриға қойған иди.
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт