Rusiyining ikki ilghar küreshchi ayropilani hawada soqushup ketti

Rusiye nöwette, dunyadiki eng ilghar küreshchi ayropilanlardin hésablinidighan su - 27 tipliq ayropilanlarning eng yéngi ewlad nusxilirigha ige bolup, xitay, hindistan qatarliq tereqqi qiliwatqan döletler rusiyining bu xil ilghar ayrupilanlirini öz ichige alghan herbiy - téxnikilirini sétiwélip, özlirini qorallanduridu.
Muxbirimiz ümidwar
2009.08.16

Rusiye seyshenbe küni ötküzmekchi bolghan 2009 - yilliq awi'atsiye herbiy téxnikilirini körgezme qilish pa'aliyitige teyyarliq qiliwatqanda 16 - awghust küni mezkur körgezmide öz ilgharliqini namayen qilish üchün meshq qiliwatqan ikki dane su - 27 tipliq küreshchi ayropilan moskwa shehirige yéqin hawa boshluqida bir - biri bilen soqushup kétip, partlap ketken. Rusiye agéntliqlirining xewer qilishiche, bir neper uchquchi ölgen.

En'gliye b b s agéntliqining rusiye hawa armiye bayanatchisining sözidin neqil keltürüshiche, ikki ayropilandiki üch uchquchining ikkisi parashot bilen sekreshke ülgürüp saq qalghan bolsimu, lékin yene bir neper uchquchi ölüp ketken.

Ayropilan yerdiki bir qisim öylerge urulup, besh adem yarilan'ghan. Rusiye terep bu hadisini ayropilanlarning téxnika töwenliki emes belki uchquchining meshghulatidiki xataliq bilen baghlap chüshendürgen.

Rusiyining dölet kirimining xéli köp qisimining ilghar herbiy qorallirini sétish arqiliq kiridighanliqi melum, yéqinqi yillardin buyan soda biraz pesiyip qalghanliqi üchün rusiye hökümiti eng ilghar qorallarni namayish qilip, téximu köp xéridar jelp qilish we soda miqdarini ashurushni pilanlighan iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.