Kollliktip bixeterlik shertnamisidiki döletler bashliqliri yighini birleshme qoshun teshkilleshni muzakire qildi

Rusiye bashchiliqidiki sabiq sowét ittipaqi jumhuriyetliridin qurulghan kolliktip bixeterlik shertnamisigha eza döletler jüme küni qirghizistanning cholpan ata sayahet ornida gheyri resmiy bashliqlar yighini ötküzüp, shertnamige eza döletlerning birleshme téz inkas qayturush qoshuni qurush mesilisini muzakire qildi.
Muxbirimiz erkin
2009-07-31
Share

Kolliktip bixeterlik shertnamisidiki köpchilik döletler mezkur teshkilatning 14 ‏ - iyundiki yighinida birleshme téz inkas qayturush qoshuni qurush kélishimige imza qoyghan. Lékin özbékistan bilen blurusiye kélishimge imza qoyushni ret qilghan idi.

K b sh teshkilatining cholpan atada chaqirilghan bu qétimqi gheyri resmiy bashliqlar yighinigha özbékistan prézidénti kérimof bilen blurusiye prézidénti lukashinko qatnashqan. Bu közetküchilerde özbékistan bilen blurusiye kélishimge imza qoyushi mumkin, digen qiyaslarni peyda qildi.

Cholpan atadiki yighin'gha yene, rusiye prézidénti midwidéf, qazaqistan prézidédénti nazarbayéf qirghizistan prézidénti baqiyéf, tajikistan préziédénti raxmanof qatarliqlar qatnashqan. Rusiye metbu'atlirining xewer qilishiche, bu qétimqi yighinning yene bir muhim mezmuni rusiyining qirghizistanda yene bir herbiy baza qurushini muzakire qilishtur.

Rusiye "kommérsant"géziti" yighinda prézidént midwidéfning k b sh diki döletler bilen baza mesilisini muzakire qilidighanliqini bildürgen. Eger qirghizistan rusiye bilen kélishim imzalisa bu rusiyining qirghizistanda qurghan 2 ‏ - herbiy bazisi bolup qalidu. 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet