Rusiye mutexessisi maslow : yéqinqi yillarda ottura asiyada 8 milyon xitay peyda bolidu

Rusiye mutexessis alékséy maslow yéqinqi yillar ichide merkiziy asiyada 8 milyon xitay yashaydu dégen perezni otturigha qoydi.
Muxbirimiz ümidwar
2012.04.22

Ottura asiya torining neqil keltürüshiche, rusiye fédératsiyisi aliy iqtisad tetqiqat uniwérsitéti sherqshunasliq bölümining bashliqi, proféssor alékséy maslow bashqurushtiki tewekküllük mesililirige a'it 8 - qétimliq xelq'araliq muhakime yighinda mexsus xitayning ottura asiyadiki kelgüsi tereqqiyati we köpiyishi mesilisi heqqide toxtalghanda mezkur perezni otturigha qoyghan.

Xewerde körsitilishiche, proféssor maslow hazir xitayning ottura asiyani özining iqtisadiy menpe'et da'irisige kirgüzgenlikini körsitish bilen birge xitayning ottura asiyagha kéngiyishide Uyghur élini missal alghan.

Uning qarashliri mundaq yighinchaqlash mumkin: xitayning gherbiy shimaliy siyasi pilani shinjang Uyghur aptonom rayondiki xitay ahalisining köpiyishi bilen munasiwetlik, yéqinqi yillarda bu yerdiki xitaylarning sani nahayiti téz köpeydi, hazir bu yerde 30 milyon nopus bar, pat arida bu nopus 100 milyon ademge yétishi mumkin. Uning aqiwiti nopusning chet'elge éqish bolidu. Shunga perez qilishqa boliduki yéqinqi yillar ichide merkiziy asiyada shinjang Uyghur aptonom rayonidin kélidighan 8 milyon xitay peyda bolidu.

Mezkur rusiye mutexessisining bu perizi heqqide ottura asiya torida her xil inkaslar peyda bolghan. Buningsizmu xitayning ottura asiyadiki künsayin éshiwatqan tesiri heqqide ottura asiya metbu'atlirida türlük selbiy inkaslarning peyda boluwatqanliqi melum.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.