Wiladimir putin: qanun'gha boysun'ghan asasta élip bérilghan namayishlarni qobul qilimen
2011.12.15
Emma u namayishqa chiqqan yashlarning özini erkin halda ipadiligenlikidin xushal bolghanliqini, kishiler qanunning sirtigha chiqip ketmigen asasta namayish qilsa, buni toghra chüshinishke bolidighanliqini éytqan.
U: “Téléwizorlarda yashlarning qarshi pikirlirini ochuq -ashkara bayan qilghanliqini körüp söyündüm. Méning hakimiyettiki mezgilimde kishiler mushundaq erkin bolghan bolsa, men buningdin xushal. Emma ular qanun'gha boysunushi kérek” dégen.
Aldinqi hepte rusiyidiki parlamént saylimining netijisi élan qilin'ghandin kéyin namayishchilar saylamda putinning saxtipezlik ishletkenlikini ilgiri sürüp namayish qilghan. Moskwada shenbe küni ötküzülgen namayishqa 50 ming etrapida kishi ishtirak qilghandin kéyin, putin bu namayishlarni amérika qozghidi, dep mes'uliyetni amérikigha ittirgen idi.
Putin sözide yene, saylamda saxtipezlik qilin'ghanliqini ret qilip, kéler yili 3-aydiki prézidéntliq saylimida her bir sanduq béshigha kaméra ornitip chiqidighanliqini, ishenmigenlerning ehwalni neq meydanda körse bolidighanliqini wede qilghan. Emma saylam ehwalini közetken bezi musteqil teshkilatlar saylamda saxtipezlik qilin'ghanliqini doklat qildi.