Русийә ташқи ишлар министири әсәд мәсилисини муһакимә қилмайдиғанлиқини билдүрди

Бирләшкән дөләтләр тәшкилатиниң сурийә мәсилисини һәл қилиш үчүн җәнвәдә ечиватқан йиғини җәрянида русийә ташқи ишлар министири сергей лавроф русийиниң сурийә вә бәшир әсәд мәсилиси һәққидики мәйданини ипадиләп, русийиниң хәлқаралиқ сөһбәтләрдә әсәдниң тәқдири мәсилисини муһакимә қилмайдиғанлиқини билдүргән.
Мухбиримиз үмидвар
2012-12-09
Share


Русийә ташқи ишлар министирликиниң ашкарилишичә, лавроф “әсәдәниң тәқдири мәсилиси һәққидә русийә һечқандақ сөһбәт елип бармайду” дәп көрсәткән.

Б б с агентлиқиниң хәвәр қилишичә лавроф, “әсәдниң тәқдири мәсилиси әмәс, бәлки сурийидики тоқунушни қандақ һәл қилиш мәсилисини муһакимә қилиш керәк” дәп тәкитлигән. Әмма, русийә хитай билән бирлишип, б д т ниң сүрийә мәсилиси һәққидә қарар чиқиришини тосуп кәлгән иди.

Әмма, көзәткүчиләр йеқиндин буян русийиниң сүрийә мәсилисидики мәйданида өзгириш болғанлиқини пәрәз қилишмақта. 3 - Декабир күни президент путин истанбулда тайип әрдоған билән көрүшкәндә “русийә сүрийиниң адвокати әмәс” дәп җакарлап, русийиниң әсәд һөкүмитини қоллайдиғанлиқи һәққидики қарашларни рәт қилған иди.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт