Русийә йирақ шәрқ территорийисигә тәһдит шәкилләндүргән хитайни йошурун шәкилдә агаһландурди

Русийә баш министири медвидев пәйшәнбә күни русийиниң йирақ шәрқ территорийисиниң вәзийити һәққидә тохтилип, мәзкур территорийисини қошна дөләтләрниң ешип бериватқан тәсиридин қоғдашниң зөрүрлүкини баян қилиштин бир күн бурун русийиниң муавин дөләт мудапиә министири икки данә су асти ядро кемисиниң тинч окянға йоллинидиғанлиқини билдүргән иди.
Мухбиримиз шөһрәт һошур
2012.08.13

Шуңа медвидевниң сөзлири хитайға қарита йошурун бир агаһландуруш дәп қаралмақта.

Ройтирсниң бүгүнки бу һәқтики хәвиридә баян қилинишичә, медвидев шу қетимқи сөзидә йәнә “территорийимиздә сәлбий һадисиләргә йәни чәтәл көчмәнлириниң ямрап кетишигә йол қоймаслиқимиз лазим” дегән. Байқал көли билән сибирийә вә тинч окян арисидики җайлар русийиниң йирақ шәрқ территорийиси дәп атилиду. Мәлум болушичә, йеқинқи йиллардин бери бу җайларға хитайниң көктатчилири вә қурулуш ишчилири көп санда сиңип киргән болуп, бу мәзкур райондики виладивосток қатарлиқ шәһәрләрдә хитайчә вивискиларниң көпийишигә сәвәб болған.

Русийиниң 2010-йилдики нопус статистикисида мәзкур шәһәрдики русларниң нопуси 594 миңдин 592 миңға чүшүп қалған. Русийә йирақ шәрқ территорийисини хитайниң һәрхил хәвпидин мудапиә қилиш үчүн, бир тәрәптин мәзкур территорийисидики һәрбий күчини ашурушни, йәнә бир тәрәптин болса, русийиниң башқа җайлиридин нопус йөткәшни ойлашмақта.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.