Русийидә кәң көләмлик намайиш йүз бәрди

31 - Июл күни русийиниң көплигән шәһәрлиридә өктичиләрниң асасий қанунда бәлгиләнгән әркинликни қоғдашни муддиа қилған намайишлири йүз бәрди. Бу намайишлар русийә асасий қанунниң 31 - маддиси биән бағлинишлиқ болуп, униңда әркин йиғилиш вә әркин сөзләшкә аит мәзмунлар бар. Русийә өктичилири һөкүмәтни "бу маддини капаләткә игә қилмиди", дәп әйиблигән.
Мухбиримиз үмидвар
2010.08.01

Русийиниң " невсру" учур торида хәвәр қилинишичә, москвадики триумфалнҗй мәйдани өткүзүлгән намайишқа русийә өктичилиридин борис немсоф қатарлиқлар йетәкчилик қилған болуп, 1500 дин артуқ адәм қатнашқан. Намайиш сақчиларниң тарқитиветишиға дуч кәлгән болуп, өктичи сиясийон борис немсоф, сол қанатлар фронтиниң рәһбири конистантин косийикин қатарлиқ 70 тин артуқ адәм тутқун қилинған, бирақ, америкиниң снн телевизийиси болса, кәм дегәндә 135 адәмниң қолға елинғанлиқи, намайишниң русийиниң 10 нәччә шәһиридә йүз бәргәнликини хәвәр қилди. Бирақ, өктичиләр бундақ намайишиң охшаш бир күндә русийиниң 40 шәһиридә елип берилғанлиқини билдүрүшкән.

Бир қисим өктичиләр һәтта баш министир владимир путинни истипаға чақирған болуп, бундақ чақириқ илгирики намайишлардиму тәкрарланған иди.
Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.