Rusiyining nowosibirsk shehiride fashistlargha qarshi namayish ötküzüldi

Yekshenbe küni rusiyining nowosibirsk shehiride rus ijtima'iy pa'aliyetchiliri we démokratliri teripidin fashistlargha qarshi namayish ötküzülgen bolup, bu namayishning tüp nishani yéqinda barna'ul shehiride bir koriyilik oqughuchining taqirbashlar dep atalghan fashist teshkilatining ademliri teripidin öltürüwétilishige naraziliq bildürüsh bolup hésablinidu.
Muxbirimiz ümidwar
2010.02.28
Share on WhatsApp
Share on WhatsApp

Rusiyining "newsru" torining xewer qilishiche, namayishchilar yéqindin buyan rusiyide bashqa milletlerni chetke qaqidighan irqchiliq, jümlidin fashizmliq qilmishlarning küchiyip kétiwatqanliqini körsitip, kishilerni fashizmliq xahishlargha birlikte qarshi turushqa chaqirghan.

Namayishchilar qollirida " fashizmgha birlikte qarshi turayli", "fashizm emelge ashmaydu" dégendek lozunkilarni kötürgen.
 
Rusiye metbu'atliri, taqirbashlar dep atalghan rus fashist yashlar guruhining adem sanining 50 mingdin éship ketkenlikini, ularning moskwadin tartip, yiraq sherqtiki wladiwostokqiche bolghan keng da'irige yéyilip, qara tenlikler, kawkazliqlar, ottura asiyaliqlar we xitaylarni öz ichige alghan sherqiy asiyaliqlarni asasliq hujum nishani qilghanliqini yézishmaqta.

26 - Féwral küni moskwada "aq bore" dep atalghan bir taqirbashlar guruhining ezaliri sotlinip qamaqqa höküm qilin'ghan bolup, ular nechche onlighan qirghiz, özbék we tajik we hem bashqa millet kishilirige hujum qilghan we öltürgen iken.

Mezkur fashistlar guruhining asasliq shu'ari "rusiye peqet ruslar üchünla" dégendin ibaret. Fashistlargha qarshi namayish ilgiri moskwa shehiridimu bir qanche qétim yüz bergen idi.
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.