Rusiye namayishchiliri putinni istipa bérishke chaqirdi

Shenbe küni rusiyining shimalidiki kalinin'grad shehiride keng kölemlik naraziliq namayishi yüz bergen bolup, bezi rusiye menbeliride körsitilishiche, bu namayishqa 10 minggha yéqin adem qatnashqan, emma b b s ning xewiride bolsa, yette ming adem qatnashqan mezkur namayishning asasiy meqsiti rusiye bash ministiri wiladimir putining wezipisidin istipa bérishini telep qilish iken.
Muxbirimiz ümidwar
2010.01.31
Share on WhatsApp
Share on WhatsApp

Xewerlerde éytilishiche, namayishni rusiye kommunistlar partiyisi we erkin démokratlar partiyisi teshkilligen bolup, mezkur namayishqa yene moskwadin bashqa öktichi partiye rehberlirimu kélip ishtirak qilghan.

Namayishchilar rusiye hökümitining qatnashni öz ichige alghan bir qisim saheler boyiche bahani we bajni östürgenlikige naraziliq bildürgen.

Wiladimir putinni istipa bérishke chaqiridighan namayish aldinqi heptilerdimu yüz bergen bolup, bu namayishni asasliqi kommunistlar teshkilligen idi. Ilgiri rusiye kommunistliri ayrim namayish teshkilligen bolsa, bu qétim ularning sépigha erkin démokratlar we bashqa öktichi partiyilerningmu qoshuluwatqanliqi, bu partiyilerning rusiyide démokratiyining chékiniwatqanliqini tenqid qiliwatqanliqi melum.

Putin ilgiri ikki nöwet prézidént bolghan bolup, nöwette uning bash ministirliq wezipisini atqurush bilen yenila rusiye hakimiyitini tutup turuwatqanliqi bildürülmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.