Uyghurlar heqqidiki yéngi kitab: 'bériyaning uranliri, sherqiy türkistan krémilning atom pilanida'

Mezkur kitabta sowét ittipaqining ötken esirning 40 - yilliridiki atom bombisi yasash pilani we bu pilanni emelge ashurush jeryanida sherqiy türkistan jumhuriyiti tewesidiki uranni öz ichige alghan qimmetlik yer asti bayliqlirini élip kétip paydilan'ghanliqi, stalin we bériya rehberlik qilghan atom bombisi pilanigha a'it nurghun sirlarning taki hazirghiche ashkarilanmighanliqi, néme sewebtin exmetjan qasimi qatarliq milliy azadliq inqilab rehberlirining öltürülgenliki, bériya ölgendin kéyin bu pilanning teqdiri we mawzédongning qandaq qilip, sowét ittipaqining yardimi bilen atom bombisi yasash mumkinchilikige érishkenliki qatarliq köpligen mezmunlar sözlinidu.

Aptorning bu eserni yézish üchün ashkara élan qilin'ghan arxip matériyalliri, türlük maqalilar we kitablardin paydilan'ghanliqi melum.

Aptor buningdin ilgiri "alte impériyining shinjang üchün kürishi" namliq kitabini neshir qilghan bolup, bu eserde ötken esirning birinchi yérimida Uyghur diyarining chong döletlerning siyasiy küreshliridiki roli we orni sözlinidu hemde sowét ittipaqining Uyghurlarning azadliq heriketliridin qandaq paydilan'ghanliqigha a'it sirlar pash qilinidu we perezler otturigha qoyulidu.