Uyghur élidiki saqchi mektipi kéngeytildi

Xitayning yashin tor békitidin melum bolushiche, Uyghur élidiki saqchi mektipi 2012-yili küz peslide tunji qétim aliy mektep toluq kursi boyiche 4 sinip qobul qilghan.
Muxbirimiz méhriban
2012.09.25
Share on WhatsApp
Share on WhatsApp

Xewerde yene xitay ma'arip ministirliqining bu yil 4-ayda ürümchidiki saqchi mektipining adettiki aliy mektep mexsus kurs siniplirini testiqlighanliqi alahide eskertilgen.

Igiligen uchurlirimizdin melum bolushiche, da'iriler 2009-yildiki 5-iyul ürümchi weqesidin kéyin Uyghur élidiki herqaysi wilayet, nahiyilerde saqchixanilarni köpeytken. 2009-Yildin kéyin rayonda turushluq qoralliq saqchi qisimliri köpeytilip, tuyuqsiz yüz bergen weqelerge zerbe bérish namida 5000 kishilik alahide saqchi etritimu teshkillen'gen. Radi'omiz yéqinda yekendin igiligen uchurdin melum bolushiche, yeken nahiyisidiki jinayi ishlar saqchi etritide 5-iyul ürümchi weqesidin kéyin 2000 neper saqchi köpeytilgen.

Eslidiki téxnikom derijilik saqchi mektipide oqughuchilar köpeytilip, bu yildin bashlap aliy mektep toluq kurs sinipi tesis qilin'ghan aliy mektepke özgertilishi diqqetni tartti. Uyghur weziyitini közetküchiler, Uyghur élide barghanche köpeytiliwatqan her xil namlardiki saqchi etretlirining, xitayning rayondiki Uyghur qatarliq yerlik milletlerning naraziliqi sewebidin yüz bérish éhtimali bolghan qarshiliq heriketliridin her waqit ensiresh ichide turuwatqanliqining ashkara ipadisi ikenlikini ilgiri sürmekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.