Saxta pasport béjirgüchi jaw, xotenlik 11 Uyghurning 330 ming yüen pulini aldap éliwaldi

Bu yil 6-ayda xotende bir guruppa Uyghurlar qazaqistan'gha chiqmaqchi bolup, ürümchide munasiwet tori bolghan bir Uyghur tijaretchidin yardem sorighan.
Muxbirimiz shöhret hoshur
2011.08.19

Bu Uyghur tijaretchi ürümchidiki jaw famililik bir xitay bilen bilen sözleshkendin kéyin, 11 neper yurtdishigha pasport püttürüp béreleydighanliqi heqqide wede bergen we ulardin 330 ming yüen pul alghan. 11 Neper Uyghur pasportlirini élip chet'elge chiqish resmiyetlirini béjiriwatqanda, pasportlirining saxtiliqi ashkarilan'ghan.

Qanun orunliri saxta pasport yasighan jawni tutqanda, 330 ming yüen pulni alliqachan xejlep bolghanliqi melum bolghan.

Xitay xewerler torining bügünki bu heqtiki xewerde, xitayda puqralargha munasiwetlik resmiyetlerni püttürse pasportning 15 künde pütidighanliqi we peqet 200 yüen resmiyet heqqi élinidighanliqi bildürülgen.

Bu arqiliq xewerde döletning pasport ishlirini qolaylashturghanliqi, emma qanunsiz unsurlarning Uyghurlarni qaqti-soqti qiliwatqanliqi otturigha qoyulghan.

Emma, xitayning Uyghurlargha qarita pasport resmiyetlirini qiyinlashturup, qanunsiz unsurlarning tijaritige yol échip bériwatqanliqi, Uyghurlarning her xil shekilde bulang-talang qilinishigha mejburliniwatqanliqi xewerde pedezlep ötüp kétilgen.

Uyghur teshkilatlirining doklatliridin melum bolushiche, Uyghurlar üchün pasport resmiyetlirini püttürüsh intayin qiyin we murekkep.

15 Künde pasport püttürüsh xitay ölkiliridila ijra qiliniwatqan bir tüzüm. Uyghur élide, bolupmu Uyghurlar arisida 15 künde pasportni qolgha alghanlarni uchritish tes.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.