Сәуди әрәбистан хәлқара пул - муамилә фондиға ярдәм беришкә қошулди

Әнглийә баш министири бровн сәуди әрәбистанни зиярәт қилип, сәуди әрәбистан падишаһи билән көрүшүп, нөвәттә дуня миқясида йүз бериватқан пул - муамилә кризисини һәл қилиш һәмдә вәйран болуш алдидики дөләтләрни қутулдуруш үчүн сәуди әрәбистанниң һәссә қошушини тәләп қилған.
Мухбиримиз үмидвар
2008.11.02

Әнгилийә б б с агентлиқиниң хәвәр қилишичә, сәуди әрәбистан падишаһи өз дөлитиниң хәлқара пул - муамилә фондиниң қутулдуруш пилани үчүн пул чиқирип ярдәм беридиғанлиқи һәмдә 11 - айниң оттурилирида вашингтонда өткүзүлидиған дуня иқтисадий кризисни һәл қилиш мәсилисигә аит алий рәһбәрләр йиғиниға қатнишидиғанлиқини билдүргән.

Хәвәрләрдә көрситилишичә, бровн барлиқ нефит ишләйдиған әрәб дөләтлирини кризисни һәл қилишқа һәссә қошушқа дәвәт қилған.


Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.