Shinzu abé: yaponiye sénkaku arilining igilik hoquqini muresse qilmaydu

Yaponiye bash ministiri shinzu abé jüme küni muxbirlargha söhbet élan qilip, sénkaku arilining igilik hoquq mesiliside muresse qilmaydighanliqi, xitayning térritoriye jehettiki ixtilapni bahane qilip, yaponiyige qarshi zorawanliq weqelirige yol qoyushining xata ikenlikini bildürgen.
Muxbirimiz erkin
2013.01.11

Shinzu abé: xelq'ara jem'iyette mes'uliyetni üstige alghan xitaydek bir döletning siyasiy meqsetni chiqish qilip, xitay iqtisadigha hesse qoshuwatqan yaponiye karxanilirini ziyan'gha uchritishi we yaponiye wetendashlirigha buzghunchiliq qilishi bir xataliq, dep körsetken.

Shinzu abé, bu xil heriket ikki dölet munasiwitige buzghunchiliq qilipla qalmaydighanliqi, uning xitay iqtisadighimu tesir körsitidighanliqini agahlandurup, “Ortaq istratégiyilik menpe'et asasigha qurulghan munasiwet öz-ara hörmetni telep qilidu. Men ortaq istratégiyilik menpe'et asasigha qurulghan bu xil munasiwetni eslige keltürüshni xalaymen” dégen.

U, yaponiyining sénkaku ariligha bolghan igilik hoquqi üstide muresse qilmaydighanliqini bildürüp, déngiz we tupraq tewelikimizni qoghdash iradimizde héchqandaq özgirish bolmaydu, dégen.

Biraq xitay shinzu abéning tenqidini ret qilghan. Xitay tashqi ishlar ministirliqi bayanatchisi xong léy kündilik axbarat élan qilish yighinida shinzu abéning sözige jawab qayturup, junggo-yaponiye munasiwitidiki hazirqi qiyinchiliqni pütünley yaponiye terep keltürüp chiqarghan. Biz yaponiye terepning ré'alliqqa yüzlinishini, semimiyitini körsitip, alaqidar mesililerning muwapiq hel qilinishigha konkrét tirishchanliq körsitishini telep qilimiz, dep tekitligen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.