Xitay hem teywen da'iriliri tokyoning sénkako arilini sétiwélish pilanigha naraziliq bildürdi

Amérikining washin'gton shehiride ziyarette boluwatqan yaponiye emeldari sintaro isixara 16-aprél küni tokyo shehirining shexsler igidarchiliqidiki sénkako arilini sétiwélishni oylishiwatqanliqini bildürgendin kéyin, bu qarar yaponiyidiki 93% kishining qarshi élishigha érishti.
Muxbirimiz méhriban
2012.04.17

Emma sinkako arilining igilik hoquqini taliship kéliwatqan xitay hökümiti hem teywenning naraziliqini qozghidi.

17-Aprél küni tokyo hökümitining bu qararigha naraziliq bildürgen xitay bayanatchisi lyu ming sénkako arilining xitaygha tewe ikenlikini tekitlep, yaponiye terepning herqandaq wasite arqiliq, aralgha ige bolushining xitay teripidin qanunsiz qilmish dep qarilidighanliqini eskertken. Oxshash bir künde teywen terepmu naraziliq bayanati bérip, yaponiye emeldarining sénkako arili heqqidiki bu xil bayanlirining teywen tashqi ishlar ministirliqi teripidin qobul qilinmaydighanliqini bildürgen.

Sénkako arilining igilik hoquqi mesilisi uzun yillardin buyan yaponiye, xitay, teywen otturisidiki talash ‏-tartishlargha seweb bolup kelmekte. Bolupmu, sherqiy déngiz rayonida zor türkümdiki néfit hem tebi'iy gaz zapisi bayqalghandin kéyin aralgha bolghan igidarchiliq mesilisi heqqidiki talash ‏-tartishlar téximu kücheymekte.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.