Xelq'ara pul mu'amile fondining bashliqi rajad xitay we yaponiyini arallar talash-tartishini tézlikte hel qilishqa chaqirdi

Xelq'ara pul mu'amile fondi imf ning bashliqi rajad xitay we yaponiyini arallar talash-tartishini tézlikte hel qilishqa chaqirdi.
Muxbirimiz méhriban
2012.10.11

Rajad xanim peyshenbe küni bayanat élan qilip, sherqiy jenubi asiya rayonining iqtisadi tereqqiyati pütkül dunyaning iqtisadi tereqqiyatida muhim ikenlikini tekitlep, yéqindin buyan barghanche keskinlishiwatqan xitay bilen yaponiye otturisidiki sénkaku arallirining igilik hoquqi mesilisining bu ikki dölet iqtisadighila eks tesir körsitip qalmastin, belki dunya iqtisadidimu chékinish peyda qilishi mumkinlikini bildürdi.

Xewerlerdin melum bolushiche, rajad xanim yene bu qétim xelq'ara pul mu'amile fondining yighinigha kelmigen xitay maliye ministiri shié jiyu bilen xitay merkizi bankisining bashliqi ju shyawchüenni eyiblep “Ular dunya iqtisadi heqqide munazire qilidighan muhim pursetni qachurup qoydi” dégen. Rajad xanim yene agahlandurup, sénkaku aralliri mesilisidiki talash-tartish tézlikte hel qilinmisa, bu sewebtin xitay iqtisadining téximu zor ziyan'gha uchrishi mumkinlikini ilgiri sürgen.

Xewerlerdin melum bolushiche, sénkaku arallirining igilik hoquqi mesilisidiki talash-tartishlar kücheygendin buyan, yaponiye bilen xitay otturisidiki munasiwet jiddiyliship, ikki dölet otturisidiki soda munasiwitidimu zor chékinish bolghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.