قارار لايىھىسىدە ئامېرىكىنىڭ يەنە سېنكاكۇ ئارىلى ھەققىدىكى تالاش-تارتىشنىڭ زوراۋانلىق يول بىلەن ھەل بولۇشىغا قارشى ئىكەنلىكى بىلدۈرۈلگەن.
ياپونىيىنى ئامېرىكىنىڭ تىنچ ئوكياندىكى يېقىن ۋە قەدىمىي ئىتتىپاقدىشى دەپ تەرىپلەنگەن قارار لايىھىسىدە، ياپونىيە ھۇجۇمغا ئۇچرىغان ئەھۋالدا، ئىككى تەرەپ ئارىسىدا تۈزۈلگەن ئىلگىرىكى ئىتتىپاقداشلىق ئەھدىنامىسى بويىچە، ئامېرىكىنىڭ ياپونىيىنى قوغدايدىغانلىقىنى تەكىتلەنگەن.
مەزكۇر خەۋەر ئۆتكەن شەنبە كۈنى ئامېرىكا ئاۋازى رادىئوسى تەرىپىدىن خەۋەر قىلىنغاندىن كېيىن، بۈگۈن خىتاي تاشقى ئىشلار باياناتچىسى خوڭلېي مەزكۇر قارارغا نارازىلىق بىلدۈرگەن. ئۇ باياناتىدا، ئامېرىكىنى تالاش-تارتىشتىكى ئاراللار مەسىلىسىدە تەرەپسىزلىك ۋەدىسىدە تۇرمىدى، دەپ ئەيىبلىگەن.