بىرلەشمە ھەربىي مانېۋىر 9 - ئاينىڭ 9 - كۈنىدىن 25 - كۈنىگىچە ئېلىپ بېرىلىدىكەن.
مانېۋىرغا خىتاي، قازاقىستان، قىرغىزىستان، رۇسىيە ۋە تاجىكىستان قاتارلىق 5 دۆلەتتىن بولۇپ، 5000 نەپەر ھەربىي قاتنىشىدىكەن. خىتاي بۇ ھەربىي مانېۋىرغا قۇرۇقلۇق ۋە ھاۋا ئارمىيىلىرىدىن بولۇپ، جەمئىي 1000 نەپەر ھەربىي قاتناشتۇرىدۇ.
مەلۇم بولۇشىچە، قاتناشقۇچى دۆلەتلەرنىڭ ھەربىي قىسىملىرى 31 - ئاۋغۇستتىن ئېتىبارەن قۇرۇقلۇق ۋە ھاۋا يوللىرى ئارقىلىق قازاقىستان چېگرىسىدىن كىرىشكە باشلايدىكەن. مانېۋىر ئالماتا شەھىرىدە رەسمىي ئېلان قىلىنىپ باشلىنىدىكەن.
بۇ قېتىملىق ھەربىي مانېۋىر شاڭخەي ھەمكارلىق تەشكىلاتى ئۆتكۈزگەن 7 - قېتىملىق تېررورلۇققا قارشى تۇرۇش بىرلەشمە مانېۋىرى ھېسابلىنىدۇ.