Shangxey hemkarliq teshkilati bash ministirlar yighini échildi

Rusiye uchur agéntliqining xewer qilishiche, bu qétimqi yighin'gha qirghizistan hökümiti sahibxanliq qilghan bolup, yighin riyasetchilikini qirghizistan bash ministiri jantöre satibaldiyéf atqurdi. 5 - Dékabir peqet bir kün échilghan mezkur yighinda aldi bilen qazaqistan bash ministiri sérik exmetof söz qilghandin kéyin, xitay bash ministiri wén jyabaw söz qilip, shangxey hemkarliq teshkilatigha eza döletlerning iqtisadiy hemkarliqlarni kéngeytish, yerlik bankilar arisidiki hemkarliqlarni kéngeytish shuningdek tereqqiyat bankisi qurush qatarliq teshebbuslarni otturigha qoydi.

Perghane uchur torining yézishiche, yighinda her qaysi eza döletlerning bash ministirliri özliri diqqet qilghan we yaki öz döletliri éhtiyaj hés qilghan nuqtidin pikir bayan qilghan bolup, rusiye bash ministiri dmitriy médwédéw xitay bash ministiri bilen oxshimaydighan nuqtidin chiqish qilip pikir bayan qilghan hemde xewpsizlikni qoghdashni alahide tekitligen.

Yighin xulasisi süpitide eza döletler bash ministirliri shangxey hemkarliq teshkilatining 2013 - yilliq xamchotini imzalidi hemde shangxey hemkarliq teshkilatining birleshme tereqqiyat fondi bilen tereqqiyat bankisini qurush heqqidiki qarargha imza qoydi.