Шаңхәй шәһиридә нәччә онмиңлиған ишчилар иш ташлиди

Хитайчә тор бәтлиридин мустәқил обзорлар тор бекити һәм бошүн қатарлиқ тор бәтлириниң бүгүнки хәвиридин мәлум болушичә, 20-апрел күни әтигән шаңхәй шәһиридики нәччә он миңлиған йүк аптомобил шопурлири, престан ишчилири һөкүмәтниң нефит гази баһасини өстүргәнлики һәм һәр хил рәсмийәт һәқлириниң өстүрүлгәнликигә наразилиқ билдүрүп, иш ташлап намайиш қилған.
Мухбиримиз меһрибан
2011.04.20

Бошүн тор бекитиниң хәвәр қилишичә, шаңхәй йүк аптомобил ишчилириниң иш ташлап намайиш қилғанлиқи һәққидики хәвәр шаңхәйдики бирнәччә кичик гезитләрдә берилгәндин башқа, һөкүмәтниң шинхуа агентлиқи қатарлиқ чоң хәвәр агентлиқлирида бу һәқтә һечқандақ мәлумат берилмигән.

 Мустәқил обзорлар тор бекитиниң хәвиридә дейилишичә, шаңхәй шәһәрлик һөкүмәт намайишни бастуруш үчүн 7 миң 300 нәпәр сақчи, 70 тин артуқ сақчи аптомобили әвәткән. Намайиш җәрянида иш ташлап намайиш қилған ишчилар билән сақчилар арисида тоқунуш йүз бәргән.

Тәхминән 70тин артуқ ишчи қолға елинған.

Ениқсиз мәлуматларға асасланғанда, бүгүнки намайишта намайишчилардин 3 киши өлгән, сақчи тәрәптин икки сақчи еғир яриланған, 5 нәпири йеник яриланған.

Мәлум болушичә намайиш җәрянида йәнә бәзи аптомобиллар көйдүрүветилгән болуп, бу намайиш хитайда ясимән гүли һәрикити башланғандин буянқи көлими әң зор намайиш һесаблинидикән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.