Хитай даирилири шаңхәйдә йүз бәргән от кетиш вәқәсидики җавабкарларни сотлиди

Хитай мәтбуатлириниң билдүрүшичә, шаңхәйдики бир сот мәһкимиси сәйшәнбә күни сот ечип, бултур 11-айда шаңхәйниң әнниң районидики көп қәвәтлик аһалиләр олтурақ бинасида йүз бәргән от кетиш вәқәсидә “58 кишиниң көйүп өлүшигә сәвәбкар” дәп қолға елинған 4 нәпәр һөкүмәт әмәлдари үстидин һөкүм елан қилған.
Мухбиримиз меһрибан
2011.08.02

Сотта шаңхәй шәһири әнниң районлуқ қурулуш-қатнаш комитетиниң мудири гав вейҗоң һәм башқа 3 нәпәр хизмәтчи хадими “хизмәт қулайлиқидин пайдилинип, қурулуш ширкәтлиридин пайда елишнила көзлигән. Қурулуш сүпитигә капаләтлик қилмай, хәлқниң һаятиға замин болған” дегән җинайәт билән әйиблинип, 16-йилдин 13 йилғичә муддәтлик қамақ җазасиға һөкүм қилинған.

Йеқинқи йиллардин буян хитайда олтурақ өй, мәктәп, төмүрйол вә ташйол қурулушлирида, сүпәтниң төвән болуши сәвәблик һәрхил һадисиләр барғанчә көпийиватқан болуп, булар хитай пуқралириниң хиянәтчи әмәлдарлар вә хитай һөкүмитигә болған наразилиқини барғанчә күчәйткән.

 Техи өткән айдила шаңхәй-венҗу төмүрйол линийисидә йүз бәргән пойиз вәқәсиниңму төмүрйол қурулуш әслиһәлириниң өлчәмсизлики сәвәбидин келип чиққанлиқи илгири сүрүлгән иди.

Мунасивәтлик хәвәрләр
Қисқа хәвәрләр
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.