Җу йүнкаң шавгуән шүри оюнчуқ завутида уйғур ишчиларни тәкшүрди

26 - Июн шавгуән вәқәси йүз берип икки айдин кейин, хитай компартийиси сиясий бюру әзаси, мәркизий сиясий қанун комитети секретари җу йүнкаң, шавгуән шәһиридики вәқә йүз бәргән шүри оюнчуқ завутини зиярәт қилған.
Мухбиримиз җүмә
2009.09.02

Шинхуа ахбаратида көрситилишичә, гуаңдуң өлкисидә хизмәтләрни көздин кәчүрүш җәрянида у мәзкур завутқа келип уйғур ишчиларниң ятақ - тамақ әһвални көздин кәчүргән вә тәклип пикирлирини аңлиған.

26 - Июн әтигәндә, гуаңдуң өлкиси шавгуән шәһири шүри оюнчуқ завутида ишләватқан 800 нәпәргә йеқин уйғур ишчиси, хитай ишчиларниң һуҗумиға учриған. Хитай ахбаратлири бу һәқтә тарқатқан хәвәрләрдә, вәқәдә икки уйғур ишчиниң өлтүрүлгәнлики, 116 нәпәрдин артуқ ишчиниң еғир - йеник дәриҗидә яриландурулғанлиқи көрситилгән иди.

Вәқәдин кийин, хитай даирилири вәқәниң һәқиқий маһийитини йошуруп, уйғур җамаитини бу һәқтә қанаәтлинәрлик җавабқа ериштүрмигән иди. Бу вәқә 5 - июл үрүмчи намайишиниң келип чиқишиға сәвәб болған.

Үрүмчи вәқәси йүз бәргәндин кейин, хитай даирилири уйғур елидә "милләтләр иттипақлиқи" тәрбийисини қайта күчәйтишкә башлиған иди.

Җу йүнкаң бу нөвәтлик гуаңдуң зияритидә, җәмийәт башқуруш вә милләтләр иттипақлиқини күчәйтиш тоғрисида йолйоруқ бәргән.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.