Shayar nahyiside hökümet da'iriliri xelqning erz qilishni kontrol qilishni kücheytmekte

Nöwette shayar nahyiside hökümet da'iriliri jama'etning topliship erz qilish ishliri we siyasi weqelerning aldini élish üchün xelq arisidiki erziyet ishlirini kontirol qilishning 4 türlük charisini yolgha qoyghan.
Muxbirimiz jüme
2008.11.24

"Shinjang amanliq tori" da körsitilishiche, shayar nahyiside yolgha qoyulghan töt türlük chare "erzning aldini élish", " erzni yoq qilish", " erzni nazaret qilish" we" erz qilishni kontrol qilish" qatarliqlarni öz ichige alidu.

"Erzning aldini élish" chariside, agah bolush méxanizimini yaxshilap, her heptide bir qétim yoshurun apet üstide ayrim tehlil élip bérish, mehelle ichidiki xewerchilerning artuqchiliqidin paydilinip erziyetchilerning idiyisini igilep turush körsitilgen.

Bu heqte toxtalghan d o q bayanatchisi dilshat rishitning bildürüshiche, Uyghur élide xitay emeldarliri déhqanlarning yerlirini qalaymiqan igiliwélish, hoquqini suyi'istémal qilip zorluq - zombuluq qilidighan qilmishlar köp bolghachqa, naheqchilikke uchrighan erziyetchiler köpinche hallarda erzini aqturalmay namayish qilish we yaki öch élish wastilirini talliwalidighan ehwallar köp uchraydiken.

Uning bildürüshiche yene, yerlik xitay hökümet emeldarliri yuqiriqigha oxshash wastiliridin paydilinip yerlik Uyghurlarning kishilik hoquqini depsende qilishni qanunlashturush meqsitige yetmekchi bolghan iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.