Shayarda Uyghurlar namayish qilip, bir Uyghur balining öltürüwétilgenlikige naraziliq bildürgen

Uyghur élide chiqidighan tor béketlirining xewer qilishiche, bir türküm Uyghurlar shayar nahiye baziridiki bir oyunchuqxanining aldida yighilip, oyunchuqxanidiki xitaylarning bir Uyghur balini öltürüwetkenlikige naraziliq bildürüp namayish qilghan shundaqla 8 ge yéqin namayishchi saqchilar teripidin qolgha élin'ghan.
Muxbirimiz erkin
2009-01-30
Share

Uyghur élide chiqidighan bir tor békiti weqe toghrisida mundaq xewer berdi": shayar chong bazardiki bir oyunchuqxanida bir Uyghur yash oyunchuq oynawétip shu oyunchuqxanida ishleydighan bir xitayning putigha dessiwalghan hem u xitaydin epu sorighan. Biraq bu xitay boldi qilmay u balini tutuwélip bir qanchini urghan. Oyunchuqxanidiki bashqa kishiler néme ish bolghanliqini angqirip bolghiche, oyunchuqxanida ishleydighan 20 ge yéqin xitay qoligha pichaq, kaltek kötürüp, oyunchuqxanidiki ademlerni sirtqa chiqiriwétip ishikni taqiwalghan. Héliqi Uyghur balining oyunchuqxanida qépqalghan ehwaldin xewer tapqan kishiler her qanche qilipmu ishikni achalmay j x organigha xewer qilghan. Lékin saqchilar kélip bolushtin ilgiri.... Oyunchuqxanidiki xitaylar héliqi balini 2 ‏ - qewet dérizidin peske tashliwetken. Bu bala doxturxanigha apirish jeryanida ölgen."

Xewerde yene, saqchilar kélip neq meydanni körgenliki, bir qanche Uyghur yashni tutup ketkenliki, lékin oyunchuqxanidiki xitaylarni tekshürmey ularni qoghdighanliqini, 8 ge yéqin kishining qolgha élin'ghanliqini bildürgen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet