Шәрқи асия һәмкарлиқ тәшкилатидики дөләтләр худди явропа бирликидәк бир ортақ гәвдә қурмақчи

Ройтрс агентлиқиниң баян қилишичә, шәрқий асия һәмкарлиқ тәшкилатидики хитай, японийә, америка, һиндиистан, австралийә, җәнубий корийә қатарлиқ дөләт башлиқлири бүгүн тайландниң хуахин шәһиридә учрушуп, өз-ара кәң даирилик дипломатийә паалийәтлирини елип барди.
Мухбиримиз вәли
2009.10.24

Японийә баш министири юкио хатояма вә тайланд баш министири абиши бирликтә, шәрқий асияда худди явропа берликидәк бир шәрқи асия бирлики қуруш тәклипини оттуриға қойди, буниңда америка башламчилиқ рол ойниши лазимлиқини тәшәббус қилди.

Б б с ниң баян қилишичә, бу йиғинда шәрқи асия һәмкарлиқ тәшкилатидики 10 дөләт һәммиси японийиниң тәклипини қоллап, 2015 ‏- йилиғичә бир иқтисадий бирлик қуруп чиқип, бу районниң иқтисадини худди ғәрб әллиригә охшаш гүлләндүрүшни арзу қилидиғанлиқини билдүрди. Әмма бәзи дөләтләр америкини бу иқтисадий гәвдидин сиқип чиқириш нийитини ипадилигән.

Шәрқий асия һәмкарлиқ тәшкилатиниң али дәриҗилик учрушуш бултур 12 ‏- айда банкокта ечилғанда, әйни вақитта бу шәһәрниң айродромида һөкүмәткә қарши шиддәтлик намайиш йүз бәргәнлики үчүн тохтап қелип кечиктүрүлгән иди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.