Yawropadiki bir xitay ammiwi teshkilati shi jinpingni maw zédung we déng shyawpingning tesiridin qutulushqa chaqirdi

Yawropada pa'aliyet élip bériwatqan xitay démokratik partiyisining rehberliridin biri bolghan jang ying bügünki yéngi yil nutqida, xitay xelqining yéngi yilini tebrikligendin kéyin, xitayning yéngi dölet re'isi shi jinpingdin kütidighan ümidlirinimu otturigha qoydi.
Muxbirimiz shöhret hoshur
2012-12-31
Élxet
Pikir
Share
Print

U nutqida 2012-yili xitayda yüz bergen gu'angdungdiki wuken, sichüendiki shénfang weqesi shundaqla yene wang lijünning amérika konsulxanisigha qéchip kirishi we bö shiley weqelirini tilgha élip ötkendin kéyin, xitay yéngi dölet rehberlirini bu weqelerdin ibret élishqa we toghra yolni tépiwélishqa chaqirdi.

U nutqida shi jinpinggha xitab qilip, xitaydiki chiriklik mesilisining siyasiy tüzümdin kélip chiqqanliqini, uni quruq sho'ar bilen tüzetkini bolmaydighanliqini, chiriklikni yoqitishning birdin-bir yoli siyasiy tüzülme islahati ikenlikini tekitlidi. U nutqida yene "Maw zédung we déng shyawpingning idiyiwi tesiridin qutulmay turup, yéngi siyasettin, yéngi tedbirdin we islahattin söz achqili bolmaydu" dédi.

Toluq bet