Шималий корийә ядро бомба синиқи хәлқара җәмийәтниң күчлүк наразилиқини қозғиди

Шималий корийә ядро бомба синиқи елип барғанлиқини җакарлиғандин кийин, мәзкур синақ хәлқара җәмийәтниң күчлүк наразилиқини қозғиған болса, америка президенти обама, корийиниң мәзкур қилмишни "дуня бихәтәрлики вә тинчлиқиға тәһдит" дәп көрсәтти вә хәлқара җәмийәтни буниңға қарита һәрикәт қоллинишқа чақирди.
Мухбиримиз җүмә
2009-05-25
Share

Ройтерста нәқил қилинишичә, шималий корийә мәркизий хәвәр агентлиқи, 25 - май шималий корийиниң " йәнә бир қетим нәтиҗилик ядро синиқи" елип барғанлиқини җакарлиған.

Мәзкур хәвәр мәйданға чиққандин кийин, америка, явропа әллири, җәнубий корийә, японийә, русийә вә хитай қатарлиқ дөләтләр корийиниң ядро синиқини әйиблиди.

Японийә баш вәзири таро асо, шималий корийә елип барған ядро синиқи б д т хәвпсизлик кеңишиниң мунасивәтлик бәлгилимилиригә еғир хилап икәнликини көрсәтти вә " биз буниңға қарап туралмаймиз" деди.

Франсийә агентлиқида нәқил қилинишичә, явропа комитети рәиси җос мануел барросо, корийиниң ядро синиқи башқиларниң" чишиға тегиду" дәп оттуриға қойди.

Америка президенти барак обама:" америка қошма штатлири вә хәлқара җәмийәт буниңға қарита чоқум һәрикәт қоллиниши керәк" дәп оттуриға қойди вә " шималий корийиниң башқурулидиған ядро бомба синиқи, дуня бихәтәрлики вә тинчлиқи үчүн зор тәһдит пәйда қилиду. Мән уларниң бу тәлвә қилмишиға күчлүк етираз билдүримән," деди.


Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт