Америка шимали корийини атом дөлити дәп етирап қилмайду

Ройтрс агентлииқниң баян қилишичә, америка дөләт мудапиә миниситири робрт гәйт сингапорда өткүзиливатқан сөһбәттә 'шимали корийә атом дөлити дәп етирап қилинмайду, һазирқи нишан йәнила корийә йерим арилини атомсизландуруштин ибарәт' дәп җакарлиди.
Мухбиримиз вәли
2009-05-30
Share

Шундақла, шимали корийиниң атом синиқи бивастә америка тәһдит болмайдиғанлиқини бәлки бу тамамән район харәктирлиқ тәһдит икәнликини көрсүтүп, хитайни бирләшкән дөләтләр тәшкилати бихәтәрлик кеңишиниң рәт қилиш һоқуқи бар әзаси болуш сүпити билән шимали корийигә қарита һәрикәт қоллинишқа чақирди.

Хитай генерали машавтийән бу мәсилидә, хитай өзиниң тәсиридин пайдилинидиғанлиқини билдүрди вә шимали корийни ядросизландурулушқа қарап илгириләшкә чақирди. Шундақла йәнә 'биз ядро қораллириниң тарқилип кетишгә баштин - ахир қарши туруп келиватимиз' дәп җакарлиди.

Франсийә агентлиқиниң баян қилишичә, шимали корийиниң ядро қораллири вә башқурулидиған бамба синақ қилишлиға қарита, һазир америка, японийә, җәнубий корийиләр бирликтә инкас қайтурушқа тәйяр турмақта.

Ройтрс агентлииқниң японийиниң каденадин хәвәр қилишичә, америка президенти барәк обама бүгүн японийә баш министири тароасо билән телефон арқилиқ келишкәндин кейин, америкиниң али техникилиқ 12 данә F - 22 бәлгилик урушчи айрупилани японийиниң окинава арилиға орунлаштурулушқа башлиди.

 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт