Shimaliy koriyide kim jong'ilning kenji oghli kim jong un herbiy bash qomandan bolup teyinlen'gen

Shimaliy koriye dölet rehberlikining warisliq mesilisi yéqindin béri xelq'ara jama'etning diqqet nuqtisi bolup kelgen. Shimaliy koriye axbaratining ashkarilishiche, bügün shimaliy koriye emgekchiler partiyisining qurultiyida, nöwettiki dölet rehbiri kim jong'il partiyining bash sékrétarliqigha qaytidin teyinlen'gen.
Muxbirimiz shohret hoshur
2010.09.28

U, qurultay échilishning aldida herbiy sahediki bir qatar muhim wezipe qatlamlirida tengshesh élip barghan. Tengsheshte, uning üchinchi oghli kim jong un shimaliy koriye xelq armiyisining bash générali qilip teyinligen.

Bu, "shimaliy koriye kommunist hakimiyitining 3 - ewlad kim a'ilisige ötküzülüshi" dep qaralmaqta. Bügün béyjingda échilghan muxbirlarni kütüwélish yighinida, muxbirlar, kim jong unning wezipige teyinlinishi heqqide xitay tashqi ishlar bayanatchisining pozitsiyisini sorighan. Xitay bayanatchi bu so'algha "bu shimaliy koriyining ichki ishi" dep jawab qayturghan.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.