Shimaliy koriye amérikini tehdit qildi

Xewerde bu sinaqning bash düshmen amérikigha qarshi élip bérilidighanliqi tilgha élin'ghan we “Amérikigha qarshi küreshni aghzimiz bilen emes, belki qoral arqiliq qilishimiz shert” déyilgen.

Bügün, aqsaray bayanat bérip, shimaliy koriyining bu tehditige “Orunsiz ighwagerchilik” dep naraziliq bildürdi. Shimaliy koriyini, bundaq bir sinaqni emeliyleshtürgen teqdirde, buning b d t ning alaqidar qanun-maddilirini ayaq asti qilghanliq dep qarilidighanliqi, jaza tedbirlirining téximu chingitilidighanliqi heqqide agahlandurdi.

Shimaliy koriye mudapi'e da'iriliri bu sinaqning éniq waqtini ashkarilimighan. Shimaliy koriye deslepki ikki nöwetlik yadro siniqini 2006-we 2009-yilliri élip barghan idi. Közetküchilerning mutleq köp qismi shimaliy koriyining bashqurulidighan bombiliri amérikini tehdit qilghudek uchush musapisige ige emeslikini ilgiri süridu. Emma ötken 12-ayda qilghan sinaqta shimaliy koriyining bashqurulidighan bombilirining musapisini körünerlik derijide ashurghanliqi melum bolghan idi. Shimaliy koriye bolsa uzun musapilik bashqurulidighan bomba sinaq qilghanliqini ret qilip kelmekte.