Шималий корийә җәнубий корийигә тәһдит салди

Шималий корийә җүмә күни җәнубий корийини қаттиқ агаһландуруп, әгәр сеул б д т ниң шималий корийигә қойған ембарго қарарини иҗра қилса, бу шималға уруш елан қилғанлиқ, дәп көрсәтти.
Мухбиримиз әркин
2013.01.25
Share on WhatsApp
Share on WhatsApp

Шималий корийиниң“ вәтәнни тинч бирликкә кәлтүрүш комитети” тәрипидин елан қилинған баянатта йәнә, “сирттин кәлгән һәрқандақ иғвагәрчилик вә таҗавузчилиққа тақабил туридиғанлиқи, иккиләнмәй өч елиш һәрикити қоллинидиғанлиқи” ни билдүргән.

Б д т хәвпсизлик кеңиши сәйшәнбә күни қарар мақуллап, шималий корийиниң өткән йили 12‏-айда ракета қоюп бәргәнликини тәнқид қилған вә шималий корийигә ембарго қойған иди.

Лекин шималий корийә б д т ниң қарариға шиддәтлик инкас қайтуруп, ракета вә ядро қораллар синиқи елип баридиғанлиқини җакарлиған. Шундақла йәнә, америкиға ядро оқ беши орунлаштурулған ракета билән зәрбә бериш иқтидари барлиқини билдүргән.

Бирләшмә агентлиқиниң җүмә күни билдүрүшичә, шималий корийә ядро синиқи елип бериш тәйярлиқини асасән пүттүрүп болған.

Шималий корийә баянатида йәнә сеулға тәһдит селип, әгәр сеул шималий корийә ядро қораллар мәсилисидә давамлиқ америкиға қариғуларчә әгәшсә, 1992‏-йили имзаланған “корийә йерим арилини ядро қораллиридин хали қилиш тоғрисидики ортақ хитабнамә” ни бикар қилидиғанлиқини агаһландурған.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.