Шималий корийиниң ядро синақ қилиши хәлқарада қаттиқ наразилиқ қозғиди

Сәйшәнбә күни шималий корийә 3-қетим ядро синақ қилди. Һөкүмәт ахбарат васитилири бу синақниң йәр астида елип берилғанлиқини, синақта алдинқи қетимқи бомбилардин кичик һәм йәңгил, әмма партлаш дәриҗиси интайин зор болған бир ядро бомбисиниң синақ қилинғанлиқини хәвәр қилди.
Мухбиримиз ирадә
2013.02.12
Share on WhatsApp
Share on WhatsApp

Шималий корийиниң ядро синақ қилиши б д т тәрипидин чәкләнгән. Әмма шималий корийиниң буниңға қаримай синақ қилиши хәлқараниң қаттиқ тәнқидигә учриди. Хәвпсизлик кеңиши бүгүн бу мәсилә һәққидә җиддий йиғин чақиришни қарар қилди.

Америка президенти барак обама шималий корийиниң һәрикитини америкиниң бихәтәрлики вә дуняниң тинчлиқиға қилинған тәһдит, деди вә шималий корийигә күчлүк бир агаһландуруш берилиши керәкликини тәкитлиди.

Вәқәгә шималий корийиниң йеқин иттипақдиши хитайниң немә дәп инкас қайтуридиғанлиқи хәлқара мәтбуатларниң диққитини қозғиған йәнә бир нуқта болди. Франсийә агентлиқиниң хәвиридә ейтилишичә, хитай ташқи ишлар министирлиқи өзлириниң синаққа қәтий қарши туридиғанлиқини билдүргән болсиму, әмма йәнила шималий корийини әйибләштин вә униңға қарши җаза тәдбири елишни тилға елиштин өзини қачурған.

Японийә баш министири шинзо абе вә җәнубий корийә президенти парк гунхай шималий корийини районниң тинчлиқиға тәһдит қилиш билән қаттиқ әйиблиди.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.