Shimaliy koriyining qoshniliri herbiy hazirliqini kücheytti

Yuqiriqi ikki dölet nöwette yene shimaliy koriyining zadi qandaq bomba sinaq qilghanliqini békitish üchün,a shimaliy koriyidin kélidighan radi'o'aktip zerrichilerni közitishke bashlighan.

Jenubiy koriye charshenbe küni herbiy hoshyarliqini östürüsh üchün “Del tégish derijisi we zerbe bérish iqtidari eng yuqiri” bashqurulidighan bombilirini yötkigenlikini bildürdi.

Jenubiy koriye herbiy da'iriliri yene, bu bombilarning “Shimaliy koriyidiki her qandaq nishan'gha, her qandaq waqitta ünümlük zerbe béreleydighan” liqini, nöwette bashqurulidighan bomba yötkesh qedimini yenimu tizlitidighanliqini bildürdi.

Yaponiye da'irilirimu shimaliy koriye yadur siniqi qilghanliqini jakarlighandin kéyinla herbiy küreshchi ayropilanlirini hawadin radi'o'aktip zerriche örneklirini yighishqa yolgha salghan idi.

Yaponiye yene, özining gherbiy - shimal qirghiqigha közitish ponkitlirini qurup, shimaliy koriyidin kélidighan radi'o'aktip zerrichilerni toplashqa bashlighan.

Shimaliy koriye 2006 - yildin 2009 - yilighiche plutoniydin yasalghan atom bombisi partlatqan. Nöwette gherb elliri shimaliy koriyining urandin yasilidighan atom bombisi yasighan - yasimighanliqi bilish tirishchanliqini kücheytken.