Shimali koriye xitaygha dawamliq yadro siniqi qilidighanliqini bildürgen

Shimaliy koriye xitaygha bu yil ichide yene bir yaki ikki qétim yadro siniqi qilishqa teyyarliq qiliwatqanliqini bildürgen. Roytérs axbarat agéntliqining bildürüshiche, bu amérikini shimaliy koriye bilen diplomatik söhbet ötküzüshke mejbur qilishi mumkin.
Muxbirimiz erkin
2013-02-15
Share

Roytérs agéntliqi xitay we shimaliy koriye bilen yéqin munasiwet qilidighan emeldarlarning sözini neqil keltürüp, shimali koriyining yadro siniqi bilen cheklinip qalmaydighanliqi, yene rakéta sinaq qilish éhtimalliqi barliqini ilgiri sürgen.

Shimaliy koriye 12‏-féwral özining 3‏-qétimliq yadro siniqini élip bérip, amérika we b d t ning qattiq tenqidige uchrighan. Mezkur xewerni ashkarilighan menbe yene, 4‏-qétimliq yadro siniqining küchi 3‏-qétimliq sinaqtin téximu qudretlik bolidighanliqini bildürgen.

Roytérs agéntliqining bildürüshiche, jenubiy koriye shimalning 3-qétimliq yadro siniqining partlash küchi 6-7 kilotonnigha teng kélidighanliqini élan qilghan. U, 4-qétimliq yadro siniqining partlash küchini 10 kilotonnigha yetküzüshi mumkin.

Shimaliy koriye 2006‏-yili we 2009-‏yili ötküzgen ikki qétimliq yadro siniqidin kéyin, b d t xewpsizlik kéngishi émbargo qarari maqullap, uning yadro we bashqurulidighan bomba téxnikisini tereqqiy qildurushini chekligen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet