Yaponiye alahide wekili shi jinpinggha shinzo abéning xétini tapshurdi

Yaponiye bash weziri shinzu abéning alahide wekili natso yamaguchi jüme küni xitay kompartiyisining bash sékrétari shi jinping bilen körüshüp, uninggha shinzu abéning sénkaku yaki dyawyü arili mesilisi heqqide yazghan xétini tapshurghan.
Muxbirimiz erkin
2013.01.25
Share on WhatsApp
Share on WhatsApp

Bu, sénkaku arilining igilik hoquq mesilisidiki talash-tartish ötken yili 9‏-aydin bashlap ikki dölet munasiwitini jiddiyleshtürüwetkendin buyan, ikki terepning tunji qétimliq yuqiri derijilikler uchrishishi bolup hésablinidu.

Birleshme agéntliqining ilgiri sürüshiche, shinzo abé xétide shi jinping bilen derhal körüshüshni telep qilmighan bolsimu, biraq ikki döletning rayondiki “Tinchliq we güllinishni teng qoghdash mes'uliyiti bar” liqini tekitligen.

Lékin yamaguchi bilen shi jinpingning qandaq mesililerni sözleshkenliki melum emes.

Shi jinping “Yamaguchining junggo-yaponiye munasiwiti pewqul'adde ehwalgha duch kelgen bir mezgilde ziyaret qilghanliqi” we uning ziyaritining “Intayin muhim” ikenlikini bildürgen.

Yamaguchining ilgiri sürüshiche, her ikki terep muzakire élip bérish we soghuqqanliqqa éhtiyajliq iken. Yamaguchi shi jinping bilen shinzu abéning öz ara uchrishish mesilisi heqqide sözleshkenlikini bildürgen bolsimu, uchrishish waqti heqqide melumat bermigen.

Bezi analizchilarning ilgiri sürüshiche, ikki terepning uchrishish keypiyatidin qarighanda ikki dölet arisidiki jiddiychilikning bir mehel pesiyish éhtimalliqi mewjut.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.