Shwétsariyidiki sabiq güentanamo mehbuslirining yaxshi yashawatqanliqi ilgiri sürülmekte

6 Ayning aldida güentanamodin qoyup bérilip shiwétsariyining yura rayonigha yerleshtürülgen Uyghur aka - ukilarning yaxshi yashawatqanliqi ilgiri sürülmekte.
Muxbirimiz jüme
2010-10-05
Share

Shwétsariye xelq'ara radi'o istansining bu heqtiki xewirige qarighanda, Uyghur aka- ukilar erkin we bextiyar mexmut 4 - öktebir tunji qétim axbarat sahesi bilen yüz körüshken.

Shwétsariye radi'osida bu heqte ötküzülgen söhbet xatirisige qarighanda, axbarat élan qilish yighin'gha qatnashqan yura memuriy rayonluq hökümet xadimi pyér alan beley bu Uyghur aka - ukilarning shwétsariye jem'iyitige qedemmu - qedem masliship kétiwatqanliqini bildürgen.

U mundaq dégen: "ular ishlargha ijabiy qaraydu, öginishni xalaydu we jem'iyetke arilishishni isteydu. Shunga ularning kelgüsining yaxshi bolidighanliqigha ümidim zor."

Melum bolushiche, ular hazir ayrim - ayrim öylerge köchken, hetta xizmetmu tépip bolghan iken.

Alan beleyning bildürüshiche, aka - ukilarning biri nöwette baghwenchilik qilidiken.

Erkin we bextiyar mexmut ikkiylen bu yil 24 - mart shwétsariyige yerleshtürülüp, ularning güentanamo herbiy bazisidiki mehbusluq hayatigha xatime bérilgen idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet