Xitayning shwétsiyidiki Uyghurlargha qaratqan teqibleshni kücheytkenliki ashkarilandi

Xitayning shwétsiyidiki elchixanisi bu dölette yashawatqan Uyghurlarni teqib qilishni kücheytken.
Muxbirimiz irade
2012.06.28

Shwétsiye radi'osi bügün élan qilghan xewiride, shwétsiyidiki xitay elchixanisining hazir shwétsiyide panahlinishni telep qiliwatqan Uyghurlargha a'it matériyallarni qolgha chüshürüsh arqiliq, bu kishilerning Uyghur élidiki a'ile-tawabi'atlirigha tehdit séliwatqanliqini bildürdi.

Xewerde neqil qilinishiche, shwétsiyidiki xitay elchixanisi yene bezi Uyghurlarni özliri üchün xizmet qilip, ularni Uyghurlarning pa'aliyetlirini xewer qilip turushqa qistighan ehwallarmu körülgen. Xitay elchi pi lijün shwétsiye radi'osining bu heqtiki so'aligha jawab bérip, bundaq ehwalning barliqini ret qilghan.

Xitay da'irilirining shwétsiyidiki pa'aliyetliri ilgirimu shiwit da'irilirining diqqitini tartqan idi. Shwétsiye saqchi organliri babur mexsutni Uyghurlar üstidin ishpiyonluq qilghanliqi üchün qolgha alghan. Ötken yili yene xitay elchixanisining bir xadimini jasusluq qilghanliqi üchün chégradin qoghlap chiqarghan idi.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.