Wén jyabawning shwétsiye ziyariti mezgilide shwétsiye bash weziri xitaydiki kishilik hoquq mesilisini otturigha qoydi
2012.04.24
Shwétsiye bash weziri ré'inféldt 24-aprél seyshenbe küni etigen, shwétsiyige ziyaret üchün kelgen xitay bash ministiri wén jyabaw bilen körüshken.
Bash wezir frédrik bügün chüshtin kéyin wén jyabaw bilen birlikte ötküzgen muxbirlarni kütüwélish yighinida, özining wén jyabaw bilen élip barghan söhbitide, ikki dölet otturisidiki iqtisadiy hemkarliqtin bashqa, xitaydiki kishilik hoquq mesilisi we barghanche yamanlishiwatqan tibet weziyiti heqqidimu sözleshkenlikini bildürgen.
Xitay bash ministiri wén jyabaw shwétsiye bash weziri bilen söhbet ötküzüwatqan mezgilde, shwétsiye hökümet binasi aldigha toplan'ghan tibet namayishchiliri xitay hökümitige naraziliqini bildürgen. Wén jyabawning bu qétimqi 8 künlük yawropa ziyariti 20-aprél ötken jüme küni bashlan'ghan.
Wén jyabawning gérmaniyidiki ziyariti mezgilide, gérmaniyidiki Uyghurlar hem süriyilik öktichiler wén jyabawgha qarshi naraziliq namayishi ötküzüp, xitay hökümitining Uyghurlargha qaratqan basturush siyasitini hem besher esad hökümitining süriyidiki öktichilerni qanliq basturushigha süküt qilghanliqini eyibligen idi.