Дуня уйғур қурултийи шиветсйә һөкүмитини уйғур мусапирларни қайтурмаслиққа чақирди

Дуня уйғур қурултийи язма баянат елан қилип, “дуня мусапирлар күни” хатирилиниватқан күнләрдә шиветсйә һөкүмитини уйғур мусапирларни қайтурмаслиққа чақирди.
Мухбиримиз җүмә
2012-06-23
Share


Радиомиз 19 - чесладики хәвиридә панаһлиқ тәлипи рәт қилинған мәрһаба дилмурат вә туғлуқ һимит қатарлиқ икки уйғурниң шветсийидин җиддий қайтурулуш хәвпидә турулғанлиқини хәвәр қилған иди.

Мәлум болушичә, мәрһаба дилмурат хитай һөкүмитиниң шәрқий түркистандики бастуруш сияситигә қарши мәйданини ипадилигән болса, туғлуқ һимит 2009 - йилидики 5 - июл намайишиға қатнашқан икән.

Баянатта нәқил қилишичә, “дуня мусапирлар күни” ниң хәлқара қанунлар бойичә мусапирларни қоғдашни әскә салидиған бир күн икәнликини көрсәткән уйғур миллий һәрикити рәһбири рабийә қадир ханим мундақ дегән: мән шиветсйә һөкүмитиниң инсаний бурч нуқтисидин мәрһаба дилмурат вә туғлуқ һимитниң хитайға қайтуруш мәсилисини қайта ойлишишни тәләп қилимән.

Мәлуматларға қариғанда, шветсийидә йәнә панаһлиқ мәсилиси һәл болмиған мәлум санда уйғур мусапирлар бар болуп, шветсарийә һөкүмити 2012 - йили январда икки нәпәр уйғурни хитайға қайтурған икән.

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт